21 Април, 2021
0.0190

Макпетрол Инфо Поинт: Подготовка на возилото за зима, задолжителна опрема и правила

Објавено во: Економија 22 Јануари, 2021

Ниските температури во зима може значително да ги намалат перформансите на вашиот автомобил, што може да резултира со несакани последици и дефекти. За почеток, треба визуелно да ја проверите надворешноста на возилото и да видите дали има некои оштетувања на лимот, со цел да спречите поголеми оштетувања од солта и средствата кои се користат против мрзнење на патиштата.

Една од основните проверки е состојбата на акумулаторот, која е најчеста причина за неуспешен старт на моторот. Во зависност од моделот, проверете дали во акумулаторот има доволно течност или видете колку е стар и дали треба да се промени. Истекувања или бела засушена пена околу приклучоците често е знак за потрошена батерија и неопходно е да се посети сервис за проверка на исправноста и евентуална потреба од замена.

Ако се вклучи црвена сијаличка со батерија на инструмент-таблата значи дека акумулаторот или е празен или, пак, има некаков проблем со системот за полнење.

Потоа треба да се провери дали има антифриз во системот за ладење на моторот и во која состојба е. Недоволното количество антифриз или послабата концентрација може да предизвика оштетување на моторот при пад на температурите. Најдобро е проверката да се направи на сервис.

Освен тоа, добро е да ја проверите и состојбата на бришачите, чиј просечен век на траење е една година и во резервоарот со течност за ветробранското стакло да наполните средство против замрзнување.


Во зима видливоста е намалена, па задолжително проверете ја светлосната сигнализација на возилото.

На сите поголеми бензински станици може да купите средство против замрзнување на бравите на возилото, стругалка за мраз и метла за снег, спреј за одмрзнување на стаклата и ракавици, без кои се може, но, секако, добро е да ги имате за студените зимски утра, кога температурата е под нулата.

Дополнително може да побарате и совет за адитиви кои се ставаат во резервоарот и може да ги користите и за дизел и за бензинските мотори, а кои го олеснуваат стартот и работата во зимски услови.

Од 15 ноември до 15 март на сила е задолжителна употреба на зимски гуми. За возила со маса до 3,5 тони наместо зимски, може да се користат и летни пневматици со минимална длабочина од четири милиметри и задолжителни синџири за снег за погонските тркала. Казната за немање зимска опрема е 45 евра.

Секогаш пред да тргнете на пат во зима информирајте се добро за временските услови и состојбата на патиштата. Проверете дали имате доволно гориво во резервоарот, бидејќи никогаш не знаете дали ќе треба некаде да чекате во колона.

Планирајте, доколку е можно да патувате преку ден и пред тргнување добро исчистете ги стаклата и светлосната сигнализација на возилото. 


Можеби ќе ве интересира

ШЕСТИ ПАКЕТ МЕРКИ: Помош за угостители, туристички водичи, естрадни уметници

ШЕСТИ ПАКЕТ МЕРКИ: Помош за угостители, туристички водичи, естрадни уметници

Познато е колку ќе чини шестиот пакет мерки

Познато е колку ќе чини шестиот пакет мерки

Ќе има 50 илјади бесплатни ПЦР тестови за туристите во земјава

Ќе има 50 илјади бесплатни ПЦР тестови за туристите во земјава

Народна банка дозволи: Може да имате странска сметка за да купувате акции во странство

Народна банка дозволи: Може да имате странска сметка за да купувате акции во странство

Преполно пред Министерството за финансии: Угостителите и туристичките работници бараат Владата да го почитува изборниот слоган „Можеме“

Преполно пред Министерството за финансии: Угостителите и туристичките работници бараат Владата да го почитува изборниот слоган „Можеме“

Шокантно откритие на Лукаревска: Мартовска плата не добиле 54.662 работници

Шокантно откритие на Лукаревска: Мартовска плата не добиле 54.662 работници

Брендот Shell отсега достапен во државата

Брендот Shell отсега достапен во државата

Бектеши: Рестораните за свадби можно е да отворат на крајот на мај

Бектеши: Рестораните за свадби можно е да отворат на крајот на мај

РЕКОРДЕН ПАД НА БИТКОИНОТ ЗАБЕЛЕЖАН НА ПАЗАРОТ: Во последните 24 часа неочекувано изненадување

РЕКОРДЕН ПАД НА БИТКОИНОТ ЗАБЕЛЕЖАН НА ПАЗАРОТ: Во последните 24 часа неочекувано изненадување