Максим Димитриевски: Бугарите се добредојдени на гробот на Гоце Делчев

Добивај вести на Viber

Градоначалникот на Куманово, Максим Димитриевски, во емисијата „Студио 10“ на Телевизија 24 рече дека Бугарите се добредојдени на чествувањето на годишнината од раѓањето на Гоце Делчев на 4 февруари, но само ако ги почитуваат македонските позитивни прописи.

"Ќе дојдам на 4 февруари во Скопје, ние континуирано полагаме цвеќе на 4 февруари, a претходно и во гимназијата „Гоце Делчев“ во Куманово. Пријавени сме и чекаме да ни биде потврдено согласно повисоките заштитни мерки.Да го испочитуваме неговото дели на еден мирен и демократски начин. Не можеме никому да забраниме да присуствуваат, така и на тие од Бугарија да го испочитуваат, но да внимаваат на своето однесување, без да направат политички скандали и инциденти“, рече Димитриевски.

Тој дополни дека Бугарите се добредојдени доколку имаат добра намера, но без претензии да дискредитирате еден народ, нација и јазик,.

„Во Благоевград на нашата делегација не и беше дозволено да положи цвеќе, во Македонија тоа не смее да се случи. При тоа, МВР да ги елиминира сите екстремистички елементи и да ги детектира и неутрализира личностите пред да направт каков било инцидент. Џамбаски да влезе но како граѓанин кој се однесува според позитивните законски прописи“, додаде Димитриевски.

За Димитриевски, секој политичар кој е против власта е дискредитиран како руски елемент и антиевропеец.

„Треба политичари со интегритет кои не менуваат ставови под притисок, но имаме недозреана политичка елита која ја води државата на сите нивоа и се претставува како проевропска коалиција. Ние не сме Европејци, не сме за Европа?. Каква е таа коалиција, со луѓе на црни листи, со Мендух Тачи? Тоа е чиста бизнис-коалиција, дел од СДСМ-ДУИ , дополнително со Алијанса, и ДПА. Што е тука еврошпско? Останатите не се за Европа?

Гледам ме ставиле во некој руски филм, убаво изгледа монтажата, но далеку сум јас од тој концепт. Сите сакаме да одиме во Европа, но како чесни и достоинствени Македонци“, предочи Димитриевски.