МАЛА КАКО КУТИЈА, И НАЈСТАРА НА ИСТОКОТ: Откако почна пандемијата пехчевци се почесто ја посетуваат
Објавено во: Македонија 11 Ноември, 2021
Откако почна пандемијата на коронавирусот, и граѓаните во малиот град на Истокот, Пехчево многу почесто ја посетуваат библиотеката „Кочо Рацин“, која е најстара во овој дел од Македонија, и датира од 1924 година.
Бројот на читатели се зголемил за 10 отсто, откако вирусот се прошири во земјава и до ден денес „коси“, така што социјалните контакти се намалени во однос на минатото. Во ваков амбиент граѓаните почесто се дружат со книгите. Читаат од најмлади до најстари. Меѓу читателите има професори, лекари, нотари, ученици, пензионери, буквално луѓе од секакви профили и возрасти.
„Ние сме најмала и најстара библиотека во Источна Македонија. Буквално како кутија, и веќе немаме простор каде да ги ставаме книгите, затоа што имаме фонд од 20.000 книги, што не е малку ако се земе в предвид дека општината има до 5.000 жители. Имаме читатели од различни профили. Најстарата читателка ни е во деветтата деценија од животот. Средношколците освен лектири, земаат и белетристика. Следат на интернет што е ново, и ги бараат тие книги. Купуваме постојано она што е ново, но најчесто по еден примерок, оти сепак сме мала библиотека“, вели директорката Габриела Костадинова.
Јаворка Постоловска, психолог кој работи во Пехчево и Берово објаснува дека поради пандемијата има промена на активностите кои луѓето ги практикуваат во слободно време.
„Луѓето се свртени кои индивидуални активности кои не вклучуваат поширок круг на луѓе. Гледаат времето да им биде исполнето со читање на добра книга. Забележувам дека учениците, дали се послаби или подобри ученици, дури и ако со мака ги читаат лектирите, сепак сакаат слободна литература, психолошки книги, книги за самопомош“, изјави Постоловска.
Откако почна пандемијата, во многу библиотеки ширум Македонија е зголемен бројот на читатели. Библиотекарите овој тренд го оценуваат како позитивен. Веќе две години живееме во пандемиски услови, а во земјава почна и новиот бран на коронавирусот.
Сања Атанасовска
Можеби ќе ве интересира
ГОЛЕМА ТРАГЕДИЈА ВО ВЕВЧАНИ - седуммесечно бебе почина откако паднало од импровизиран кревет, лекарите не успеале да го спасат
ДИК ПРИФАТИ ПРИГОВОРИ, ДО ПЕТОК ЌЕ „ПРЕСЕЧЕ“ И УПРАВНИОТ СУД - може ли со прегласување да се намалат пратениците на Европскиот фронт
„ВО МАКЕДОНИЈА НЕ МЕ ВРАБОТИЈА, НО ВО АНГЛИЈА СТАНАВ ШЕФ ВО ЕДНА ОД НАЈДОБРИТЕ БОЛНИЦИ ВО СВЕТОТ“: Искуството на доктор Минов го сподели Димитров
„ПОСТОЈАТ ПРАШАЊА ШТО СЕ НАД ВОЛЈАТА НА НОВОТО РАКОВОДСТВО НА СЕВЕРНА МАКЕДОНИЈА:“ Герапетритис за Преспанскиот договор
„ А БЕ УРСУЛА, ВИЕ СТЕ СИ КРИВИ“: Се огласи и Колозова
КАРАКАМИШЕВА РАСПАЛИ ЗА ЛОГА: Јавно го прашувам, колку измени и дополнувања на Изборниот законик гледа долу во фуснотата од 2019 до 2024? Галиба 6 се, нели Лога?
МАКЕДОНЦИТЕ КОИ ЗАМИНАЛЕ ВО СТРАНСТВО СЕ СООЧУВААТ СО НОСТАЛГИЈА: Како да ја пребродат оваа состојба?
НАЈЧЕВСКА ВЕЛИ ДЕКА СИЛЈАНОВСКА НЕ ГО ПРЕКРШИЛА ДОГОВОРОТ ОД ПРЕСПА: Во моментот кога ја дава заклетвата таа не е претседател и нема обврска да го употребува името
МИЦКОСКИ НА ПЛАНИНА И ПОКРАЈ ОГАН СЕ ПОДГОТВУВА ЗА ПРЕМИЕРСКОТО СТОЛЧЕ: „Неколку дена за стратегија и чекорите кои следат“
