23 Мај, 2024
0.0284

„ПОСТОЈАТ ПРАШАЊА ШТО СЕ НАД ВОЛЈАТА НА НОВОТО РАКОВОДСТВО НА СЕВЕРНА МАКЕДОНИЈА:“ Герапетритис за Преспанскиот договор

Објавено во: Македонија, Балкан 14 Мај, 2024

Добивај вести на Viber

Сите сфаќаме дека новото раководство на Северна Македонија може идеолошки да има поразлично мислење, но постојат прашања што се и над нивната волја. Не се работи за прашање на самоопределување на функционерите, политичарите, ова сите го сфаќаме, туку се работи за почитување на договореното, истакна министерот за надворешни работи на Грција Јоргос Герапетритис во интервјуто за грчката телевизија ЕРТ, посочувајќи дека тие бараат целосно усогласување со Договорот од Преспа, јави дописничката на МИА од Атина.

Шефот на грчката дипломатија порача дека „од моментот кога еден меѓународен договор се ратификува од Парламентите стекнува моќ повисока од законите и никоја од двете страни не може еднострано да го ревидира“ и дури и да не се согласува со она што е вклучено во договорот, „мора да го спроведува“.

-Името Република Северна Македонија во Договорот од Преспа, согласно член 20, не може под никоја околност да се измени. Прашањето за името не е од оние прашања што може да се изменат, дури ни со заемна согласност. Па така, никаде не се покренува прашање за измена. Онака како што е договорено од двете страни и е ратификувано, ги обврзува и денешниот грчки политики поредок и политичкиот поредок на Северна Македонија, објасни Герапетритис.

За можноста Грција да стави вето на европската перспектива на земјава, шефот на грчката дипломатија објасни дека ветото е „институционално право на земјите членки на ЕУ“ и повтори дека почитувањето на Договорот од Преспа е предуслов за напредок кон Унијата.

-За Северна Македонија, доследното спроведување на Договорот од Преспа, претставува јасен предуслов за нејзиниот интегративен тек, односно претставува предуслов за напредок на интегративните процеси, рече шефот на грчката дипломатија и додаде дека тие одблиску ги следат случувањата.

Се осврна и на, како што рече, брзата реакција и на Грција и на ЕУ и откри дека на иницијатива на грчкото МНР веднаш биле информирани европските власти, односно дека „постои координирана реакција во правец на усогласување“.

Во утринското интервју за државната телевизија ЕРТ, Герапетритис неколкупати повтори дека бараат „усогласување со Договорот од Преспа и од другата страна“, уште еднаш објасни дека иако ставот на Нова демократија како опозиција беше поразличен, сега како Влада „во рамките на континуитетот на државата и на уставниот мандат дека не може која било Влада еднострано да ревидира договори“, тие го спроведуваат.

За трите меморандуми што сè уште не се ратификувани во грчкиот Парламент, посочи дека последните случувања ја оправдуваат нивната политика и додаде дека ратификацијата зависи од целосното усогласување со договореното.

-Ние ќе ги донесеме во Парламентот кога ќе постои клучното политичко време, односно кога ќе биде убедена грчката страна дека постои целосно усогласување. Сите знаеме дека постојат точки за кои соседната земја не се има усогласено, рече шефот на грчката дипломатија.

Можеби ќе ве интересира

ХАСАНИ ОД „ВРЕДИ“: Со гласањето во Ларце го добивме 14-тиот пратеник

ХАСАНИ ОД „ВРЕДИ“: Со гласањето во Ларце го добивме 14-тиот пратеник

ФАКТОР НА ДЕНОТ: Димитар Ковачевски се повлече од претседателската функција во СДСМ

ФАКТОР НА ДЕНОТ: Димитар Ковачевски се повлече од претседателската функција во СДСМ

Дали Африм Гаши ќе биде следниот собраниски спикер?

Дали Африм Гаши ќе биде следниот собраниски спикер?

ПО ПРЕГЛАСУВАЊЕТО: ДУИ изгуби еден пратеник?

ПО ПРЕГЛАСУВАЊЕТО: ДУИ изгуби еден пратеник?

ДИК: Излезноста над 55 отсто

ДИК: Излезноста над 55 отсто

НАЈЧЕВСКА: Наместо да поддржуваат диктатори Апасиев и компанија требаше да се занимаваат со билатералниот договор за имунитет на американските граѓани

НАЈЧЕВСКА: Наместо да поддржуваат диктатори Апасиев и компанија требаше да се занимаваат со билатералниот договор за имунитет на американските граѓани

ПОБАРА КОНГРЕС: Koвачевски се повлече од лидерската позиција во СДСМ

ПОБАРА КОНГРЕС: Koвачевски се повлече од лидерската позиција во СДСМ

РЕЗОЛУЦИЈА ЗА СРЕБРЕНИЦА: Дали Романија и Грција ќе го сменат ставот?

РЕЗОЛУЦИЈА ЗА СРЕБРЕНИЦА: Дали Романија и Грција ќе го сменат ставот?

ДСЗИ: Спорните вработувања на Токсикологија биле само со потпис на директорката Бесија Иљази

ДСЗИ: Спорните вработувања на Токсикологија биле само со потпис на директорката Бесија Иљази