Малчанскиот бербер и Моника ноќта ја поминале во куќа во српско село
Објавено во: Балкан 27 Декември, 2019
Српскиот педофил Нинослав Јовановиќ, попознат како Малчанскиот бербер е виден во неделата во Шврљишки Миљковац, а со него била 12-годишната Моника Каримановиќ која ја киднапирал.
Тој и девојчето еден ден поминале во домот на Б.С. пишуваат српските медиуми. Жената не живее во таа куќа, па во полицијата дури завчера кога стигнала таму пријавила дека некој престојувал во нејзиниот дом.
Таа на масата затекнала леб и отворена тегла пиперки.
Уште еден жител од селото за полицијата рекол дека во неделата малчанскиот бербер од него барал шише вода затоа што му се расипал камионот. Тој рекол дека девојчето стоело на 10 метри од него.
Откако добил вода тој прашал каде е патот за Орашец, селото во кое се крие овие денови и каде во куќата на својот роднина го потстрижал девојчето.
Потрагата по киднаперот и 12 годишната Моника трае 8 дена. Taa e киднапирана во петокот, кога тргнала на училиште.
Случајот го потресе регионот.По девојчето трагаат 320 припадници на Министерството за внатрешни работи на Србија, хеликоптерски единици, кучиња трагачи.
Јовановиќ претходно бил во затвор поради педофилија и силување.