Добивај вести на Viber
Над 20.000 компании во Србија, според грубите проценки ги смалуваат своите трошоци преку грбот на своите вработени, пишува Блиц.
На вработените им исплаќаат поголем дел од платата на рака, а придонесите и данокот на заработка го подмируваат како вработените да се платени на минималец. Работниците поради ова не можат да подигнат кредит, а поголем проблем е што можат да сметаат на минимална пензија која во моментов во Србија изнесува 13.000 динари. Големиот број на невработени кои се повеќе од милион, сепак влијаат на промена на мислењето на оние кои сакаат да се спротивстават на ваквиот третман од работодавачите. Меѓутоа, голем е и бројот на вработени кои доброволно влегуваат во ваква зделка затоа што повеќе им одговара.
- Сопственикот на почеток ме праша што е подобро според мене, а јас одбрав дел од платата да добивам на сметка, а дел на рака затоа на крај на месецот располагам со поголема сума. Знам дека ниту една банка нема да ми одобри кредит и дека пензијата ќе ми биде мизерна, но сега не сум во ситуација да го решавам тој проблем. Морам да живеам од нешто, вели за Блиц Милица Б. (42) продавачка од Нови Сад.
Од оние работници на кои не им е пружена можноста да бираат како ќе ја примаат платата, ретко кој се осудува да се пожали на инспекцијата плашејки се дека ќе останат и без тој приход. Такви случаи според податоците на инспекторатот за работа најмногу има во трговијата на голема и мало, производството на храна, хемиската индустрија, индустријата за производство на гума и пластика, метало преработувачката, машинската и во градежништвото.