24 Април, 2019
0.0324

Маргинализираните заедници во Македонија - жртви на стереотипите и нетолеранцијата

Објавено во: Македонија 11 Мај, 2018

Осуда и презир од околината, физички напади, губење на работните места, но и кршење на основните човекови права од страна на институциите, се само дел од проблемите со кои секојдневно се соочуваат луѓето од маргинализираните заедници во земјава. Луѓето кои користат дроги, Ромите, сексуалните работници, ЛГБТИ заедницата и други маргинализирани заедници се изложени на континуирана дискриминација и стигматизација од општеството кое ги гледа преку бројни стереотипи. 

Македонското општество генерално не е толерантно кон маргинализираните заедници во земјава и не презема конкретни чекори за да ја подобри состојбата на маргинализираните групи граѓани. Ромската заедница има лимитиран пристап до здравствени, социјални услуги и образование и се соочува со скриена дискриминација при остварувањето на правото на здравје. Луѓето кои користат дроги и луѓето кои живеат со ХИВ се стигматизирани и отфрлени од општеството, а многу од нив доживуваат таков третман дури и од членовите на нивните семејства.

Луѓето од ЛГБТИ заедницата, но и сексуалните работници честопати се цел на физички напади на хомофобни поединци или групи, кои надлежните служби не се трудат да ги разрешат или да ги казнат сторителите. На вакви напади и отфрленост од општеството особено се изложени трансродовите лица кои поради своето чувство на неприпаѓање кон полот со кој се родени ги сметаат за „ненормални“ и„одвратни“ поради што многу тешко наоѓаат вработување.

Невработеност, сиромаштија, дискриминација, стигматизација и отфрленост од општеството, немање пристап до соодветна здравствена заштита, но и заштита од институциите се последиците од ваквиот третман на општеството кон маргинализираните заедници. За да се надминат ваквите состојби, неопходно е да се најдат начини за нивно решавање, особено да се стави акцент на јакнењето на капацитетите на професионалниот кадар од институциите и носителите на одлуки за знаењата и практиките за работа со маргинилизираните заедници и промоцијата на нивните права.

Во земјава постојат неколку граѓански организации кои се залагаат за овие процеси и активно работат за зголемување на јавната свесност и надминување на проблемите на маргинализираните заедници. Такви се ХЕРА, СТАР-СТАР, Коалиција Маргини, Заедно Посилни, ХОПС и други, кои преку програмите на Фондацијата Отворено општество – Македонија (ФООМ) обезбедуваат финансиски средства за спроведување на активностите. Сепак, потребна е поголема институционална поддршка за да може да се заокружи целиот процес во насока на подобрување на квалитетот на животот на сите граѓани на Македонија.

Можеби ќе ве интересира

Владата го осудува говорот на омраза, нема да се меша во ИВЗ

Владата го осудува говорот на омраза, нема да се меша во ИВЗ

Законите кои ги врати Иванов повторно пред пратениците

Законите кои ги врати Иванов повторно пред пратениците

Комисијата за односи со верските заедници се чувствува наклеветена од Реџепи

Комисијата за односи со верските заедници се чувствува наклеветена од Реџепи

Температурите ќе растат: пресвртна временска прогноза не чека овие денови

Температурите ќе растат: пресвртна временска прогноза не чека овие денови

Две сценарија за Македонија: Или Албанците ќе им пресудат на изборите или ...

Две сценарија за Македонија: Или Албанците ќе им пресудат на изборите или ...

МВР немало за што да интервенира вчера во ИВЗ

МВР немало за што да интервенира вчера во ИВЗ

ФОКУС НА ДЕНОТ: 19-годишни затворски казни, билети за Папата, упад во ИВЗ

ФОКУС НА ДЕНОТ: 19-годишни затворски казни, билети за Папата, упад во ИВЗ

ИБЗ: Да се опаметат политичарите, да не завршат како тој што избега во Унгарија

ИБЗ: Да се опаметат политичарите, да не завршат како тој што избега во Унгарија

Утре градоначалникот на Ѓорче Петров на тапет кај Антикорупциска

Утре градоначалникот на Ѓорче Петров на тапет кај Антикорупциска