Маркетите во Атина ќе продаваат и храна со поминат рок
Објавено во: Балкан 27 Август, 2013
Поради економската криза и се потешкиот живот на Грците, маркетите во таа држава во својата понуда по пониски цени ќе нудат и производи со изминат рок на траење.
Здружението на трговци на Атина донело одлука маркетите од 1 септември да продаваат артикли на кои им поминал рокот за употреба, но по ниски цени.
Таа одлука е донесена со цел – помош за најзагрозените жители на Атина.
Во меркетите ќе има посебно место со натпис: Производи со поминат рок на траење. Тие производи ќе се продаваат со нагалсени мерки на претпазливост што подразбираат недоведување на потрошувачите во животна опасност.
Во зависност од производот, на некои рокот на траење по истекот на рокот на амбалажата ќе им биде продолжен за три месеци. Производите ќе им се нудат на потрошувачите, а не и на рестораните или други места каде се подготвува храна.