Mета: Албанија и Северна Македонија заедно до Датум за преговори во октомври
Објавено во: Балкан 10 Јули, 2019
Илир Мета, претседателот на Албанија, на државниот шеф на Македонија, Стево Пендаровски, му рекол дека двете земји треба заеднички да се изборат за добивање Датум за преговори со ЕУ во октомври. Ова го објави албанскиот претседател на својот профил на Фејсбук по средбата со Пендаровски на Самитот на ПСЈЕ во Сараево.
Мета објави дека се разговарало за обединување на напорите на двете земји да започнат преговори со Европската унија во октомври.
"Беше посебно задоволство да се сретнам со претседателот на Северна Македонија, г-дин Стево Пендаровски. И двете наши земји мора да ги обединат напорите за отворање на преговорите за пристап во октомври. Мораме да го искористиме овој многу позитивен момент што го создаде Преспанскиот договор, не само за Северна Македонија.
Исто така беше задоволство да се истакне одлучноста на претседателот Пендаровски да соработува и да ја вклучи опозицијата во дијалогот за фундаменталните прашања на државата и демократијата ", рече претседателот.
Мета, исто така, зборувал со Пендаровски за политичката криза во Албанија.