Метју Палмер доби официјална функција на Балканот
Објавено во: Македонија 31 Август, 2019
Метју Палмер, досегашниот вршител на должноста заменик помошник државен секретар за Европа и Евроазија, е назначен за ноб специјален претставник на САД за Балканот.
Палмер од 1 септември ќе учествува во работата на Стратешкиот форум на Блед, а потоа ќе ги претставува САД на состаниците на четворката во Брисел и во Подгорица, соопшти Стејт Департментот.
Тој неколку пати до сега ја пренесуваше поддршката на САД кон Македонија за Договорот од Преспа што земјата го постигна со Грција, како и за прогресот на земјата кон членството во НАТО и во ЕУ.
Во соопштението се наведува дека дипломатот ќе настојува САД да ги зајакнат дипломатските напори за поддршката на мирот, стабилноста и напредокот на регионот, како и интеграцијата на земјите од Западен Бaлкан во западните институции.