МИЦКОСКИ ЌЕ ПРЕДЛОЖИ УШТЕ ДВАЈЦА ПОТПРЕТСЕДАТЕЛИ: Денеска Централен комитет, нови луѓе влегуваат во раководството
Објавено во: Македонија 31 Јануари, 2022
Христијан Мицкоски лидерот на ВМРО-ДПМНЕ денеска на Централниот кометит ќе предложи нови членови на Извршниот комитет. Тој најавува влез на нови луѓе во највисокото раководство на партијата, а освен тоа треба да предложи и нови двајца потпретседатели. Со ова наместо досегашните два, партијата ќе има четворица потпретседатели.
„В понеделник имаме Централен комитет (ЦК), ќе излезам пред членовите на ЦК со новиот состав на Извршниот комитет. Ќе има проширување, ќе има и нови луѓе. Ќе бидат некаде околу 28-29 луѓе. Ќе има проширување и во делот на потпретседателите, од двајца ќе бидат четворица“, рече Мицкоски во интервуто за „360 степени“ во петокот.
Не откри имиња, но рече дека со реорганизацијата партијата заедно со тимот стратешки соработници ќе има „сериозен државнички капацитет кој ќе биде алтернатива“.