Мицкоски со став за повторното свикување на Парламентот
Објавено во: Македонија 25 Април, 2020
Тоа е противуставно, рече синоќа лидерот на ВМРО-ДПМНЕ Христијан Мицкоски на прашањето за повторно свикување на Собраието принеговото гостување во емисијата 360 степени.
Тој вели дека македонскиот парламент за разлика од други е поинаков, бидејќи е во постојано заседавање.
„Има парламенти коишто имаат пролетна и есенска сесија, и има еден период од јули до септември кога тие не се состануваат. Нашиот парламент е во постојано заседавање. Со носење на одлука на самораспуштање на тој парламент практично завршува периодот на сесијата, односно на активниот состав на парламентот, коментираше Мицкоски
Во 2016 година Уставниот суд донесе соопшти дека „мандатот на пратениците не може да продолжи во случај на самораспуштање на Собранието, надвор од условите утврдени во Членот 63, став 4 од Уставот“, односно дека може да продолжи под услови предвидени во овој член, а тоа е дека „Мандатот на пратениците во Собранието може да продолжи само во случај на воена или вонредна состојба“.