Мицковски: Било кој да застане на чело на партијата ќе го порази Заев
Објавено во: Македонија 10 Декември, 2017
Христијан Мицковски пред вечерашниот состанок на Централниот комитет на ВМРО-ДПМНЕ изјави дека не е исклучена можноста тој да седне на претседателското столче.
„Било кој да застане на чело на партијата јас сум сигурен и убеден дека тој во иднина ќе го порази Зоран Заев и ќе ја предводи македонската Влада“- вели Мицковски.
Оставката на Никола Груевски ќе биде прифатена денес, бидејќи тој ја најави како неотповиклива, изјави Антонио Милошоски пред одржување на Централниот Комитет на ВМРО-ДПМНЕ вечерва.
Тој најави дека денеска ќе се утврди дневниот ред на конгресот кој што е закажан на 23 декември. Милошоски најави дека денес ќе се утврди и рокот за доставување на кандидатури за избор на нов претседател на партијата.