Мицотакис бара избори за Грците да одлучат за својата иднина
Објавено во: Балкан 09 Август, 2018
Лидерот на Нова демократија, Кирјакос Мицотакис во интервју за „Athens Voice“ вели дека наместо да организира фиести, Алексис Ципрас на 20 август да распише избори.
Тој вели дека грчкиот народ треба да одлучи како ќе чекорат кон иднината.
Конкретниот датум, за грчката Влада е денот кога земјата излегува од кризата и завршува со последниот меморандум, а беше планирано да се организира свеченост, меѓутоа, по катастрофалните пожари и националната трагедија со над 90 жртви, се уште е непознато дали грчкиот премиер ќе се реши на некоја симболична прослава.
„Во период кога земјата живее национална трагедија, не испушта да побара избори. На денот кога нашата земја, по цели осум години излегува од меморандумите во кои не фрли неговата партија, господниот Мицотакис, што прави? Бара избори“- коментираат извори од кабинетот на Ципрас и додаваат дека лидерот на Нова демократија, единствено го интересира да се врати на власт.
Извори од кабинетот на Ципрас додаваат дека претседателот на Нова демократија континуирано бара избори, „кога Владата ја водеше битката во преговорите со кредиторите, кога економијата сврти нова страница, кога земјата одново презеде лидерска улога на Балканот,Мицотакис бараше избори“.