Мицотакис: Решението е лош договор и е спротивно на ставот на мнозинството Грци
Објавено во: Балкан 12 Јуни, 2018
Решението што е договорено е лош договор и е спротивно на ставот на мнозинството Грци, вели лидерот на опозициската Нова демократија, Кирјакос Мицотакис.
Како што јави дописничката на МИА од Атина, Мицотакис повторно го обвини грчкиот премиер дека нема политички легитимитет и дека води тајна дипломатија и го повика да не го потпише договорот.
„За суштината на договорот и врз основа на она што засега го знаеме и го слушнавме од господинот Ципрас, имам да го кажам само следното: Прифаќање на македонски јазик и македонска националност се неприфатлива национална отстапка“- вели Мицотакис.
Тој додаде дека негов приоритет е со сите сили да придонесе грчкиот народ да остане обединет.
Лидерот на Нова демократија и покрај тоа што беше закажано за денеска, со претседателот на државата Прокопис Павлопулос ќе се сретне утре наутро.