Милановиќ: САД и Русија се две големи неуништливи држави
Објавено во: Балкан 29 Ноември, 2022
Нафтата и гасот уште долго ќе останат со нас, вели хрватскиот претседател Зоран Милановиќ.
Тој изјави дека Хрватска троши 3.900 киловати струја по жител, Словенија речиси 7.000, а некои други земји, кои се помалку развиени од Хрватска, имаат значително поголема потрошувачка на струја по жител.
„Не е случајно што САД и Русија, секоја на свој начин, се две големи неуништливи држави. Тие се неуништливи затоа што имаат одредени технологии и имаат неограничени количини енергија за нивните потреби. Кина веќе не е таа категорија, таа е зависна од увоз. Ова е моќта и страшната моќ на државите кои можете да ги оградите и тие ќе живеат“, рече тој.
Тој додаде дека Европската унија не успеала да воспостави енергетски пазар. Вели дека ќе купуваат гас од сојузниците по тројна цена. Милановиќ изјави дека енергијата не е стока ниту во перспектива на енергетска транзиција. Европската Унија (ЕУ) воведе неколку сетови на санкции за Русија, поради руската инвазија на Украина. Русија своите енергенси ги користи како „оружје“ за уцена.