Миле Јанакиески нема да оди во притвор, барањето е одбиено
Објавено во: Македонија 22 Ноември, 2021
Eкс министерот Миле Јанакиески останува на слобода.
Кривичниот совет при Основниот Кривичен суд Скопје го одби како неоснован предлогот на Основното јавно обвинителство за гонење организиран криминал и корупција за определување мерка притвор за обвинетиот поврзан со настаните од 27 – ми април. Според Советот, во новиот предлог не се понудени доволно аргументи кои ќе го поткрепат определувањето на построги мерки. Апелационскиот суд, во четвртокот ја укина мерката куќен притвор на обвинетиот Јанакиески во повеќе судски предмети, и ја замени со мерка претпазливост. Тој не смее да ја напушти државата. Јанакиески е обвинет во повеќе предмети, помеѓу кои „Т.Н.Т.“, „Титаник“, „Талир“, „Топлик“, „Траекторија“ и „Шпански скали“. Инаку Јанакиески за предметот за крвавиот четврток е осуден на 6 години и 3 месеци затвор, но жалбата за оваа пресуда е поднесена во четвртокот.