Миле Јанакиески со условна казна за „Шамари во Центар“, за Груевски година и пол затвор

Добивај вести на Viber

Никола Груевски, поранешниот премиер на Македонија, е осуден на една година и шест месеци за организација на случајот „Шамари во Центар“, додека за поранешниот министер за транспорт и врски Миле Јанакиески има одлука од една година затвор условно доколку во наредните четири години не направи кривично дело.

Кривичниот суд заклучи дека група граѓани ги малтретирале и силно тропале по бараката број 6 и цело време ги отвирале прозорците.и довикувале пред Општина Центар додека се носеле одлуки за урбанистичкиот план.

Обвинителката Фатиме Фетаи, која беше дел и од поранешното Специјално јавно обвинителство, кое го отвори овој случај, побара максимални казни за обвинетите.

Билјана Чурилова, советничката во општината, се здобила со повреда, а била скршена и влезната врата преку која се стигнува до салата за седници. Оваа состојвбасо закани траела се до пристигнувањето на странските амбасадори, а кај советниците е предизвикана состојба на несигурност.

Од внатре по телефонска врска Димче Крстев, за кого е изречена мерка за безбедност, Александар Трајковски Дарко Стојчевски, Даниел Трипуновски Трајко Пецевски и Мирко Стојчев го известувале Миле Јанакиески за состојбата. Повеќето од нив на денешното рочиште добија условни казни.

Оштетените советници од опозицијата се упатуваат на спор со можност да тужат за оштета.