Милевски: Казандол треба да се затвори, сопствениците да се набркаат од Македонија
Објавено во: Македонија 08 Декември, 2017
Пратеникот од коалицијата на СДСМ и претседател на ЛДП, Горан Милевски, денеска протестираше пред Владата заедно со граѓаните кои се против изградба на рудникот Казандол и стопирање на отворањето на нови рудници во Македонија.
Милевски вели дека на протестот е дојден како пратеник, но и во својство на граѓанин.
„Ние чувствуваме потреба бидејќи мислењето ни е исто – Казандол треба да се затвори. Останатите колеги нека судат самите за себе. Не може секој белосветски криминалец да доаѓа во Македонија, да го загадува и нарушува здравјето на луѓето за личен профит. Ние сме избрани од граѓаните и треба да ги штитиме интересите на граѓаните, особено затоа што цел југоисток ни даде поддршка на локалните избори. Јас мислам дека оваа работа треба да се стопира, а тие сопственици на Казандол да се набркаат од Македонија. Сепак здравјето е пред било кој личен интерс на било кој инвеститор“ – изјави Милевски.
И пратеничката Ивана Туфегџиќ која беше на протестот изјави дека власта треба да ги употреби сите механизми за да ја стопира изградбата на рудниците.