Милионскиот тендер и Сеад Кочан повторно на рочиште
Објавено во: Македонија 12 Декември, 2017
Денеска во Кривичниот суд продолжува рочиштето за предметот „Труст“, во кој првообвинет е бизнисменот и сопственик на телевизија „Нова“. Сеад Кочан.
Предметот е во доказна постапка, а покрај Кочан, обвинети се и Василије Авировиќ и Сафет Ватиќ.
На претходното рочиште, вториот сведок кој беше предложен од СЈО, Васил Ристовски изјави дека тој го назначил Авировиќ Василије да ја поднесе спорната документација за тендерот во ЕЛЕМ.
По прашање на обвинителот Артан Ајро како вработен во фирма за дистрибуција на вода се вмеша во пополнувањето на тендер за ископ на јаглен и јаловина во РЕК Билола, сведокот истакна дека Авировиќ често одел за Кратово и во „Силекс неметали СТ“ ДООЕЛ Кратово и дека знае да пополнува документација потребна за тендер.
Ристовски посочи дека старите дампери, односно машини кој се користат за ископ на Силекс неметали СТ завршиле како старо железо. Според сведокот, во фирмата има паралелна фактура за истите машини.
Според СЈО, обвинетите со фалсификувани документи местеле тендери во ЕЛЕМ во вредност од 17 милиони евра.
Предметот е оформен врз основа на три прислушувани разговори, од кој два се необјавени за јавноста а треба да бидат репродуцирани во судницата.