Милјардерот Бафет пријави загуба од 50 милијарди долари, парите му ги изеде авиоиндустријата
Објавено во: Економија 04 Мај, 2020
Милијардерот Ворен Бафет смета дека негова голема грешка е
инвестирањето во авиоиндустријата, па на годишното собрание на акционери изјави
дека неговата компанија „Беркшир Хатавеј“ ги
продала сите акции во четирите најголеми американски авиокомпании: „Делта
ер лајнс“, „Американ ерлајнс“, „Саутвест ерлајнс“ и „Јунајтед ерлајнс“.
-Донесовме одлука во однос на авиобизнисот. Ги повлековме парите од бизнисот дури и со значителна загуба. Нема да финансираме компанија која сметаме дека во иднина ќе ни ги јаде парите, изјави бафет.
Во периодот на пандемијата од корона вирусот, компанијата „Беркшир Хатавеј“ објави рекордна загуба во првиот квартал од 50 милијарди долари. Какошто објави агенцијата Ројтерс, компанијата на Бафет имала 11% удел во „Делта ер лајнс“, 10% од „Американ ерлајнс“, 10% од „Саутвест ерлајнс“ и 9% од „Јунајтед ерлајнс“
Бафет почнал да уложува во авиоиндустријата во 2016 година.