Милошоски тврди дека Заев ја замајува јавноста со измислена тема
Објавено во: Македонија 04 Декември, 2019
Пратеникот од редовите на ВМРО-ДПМНЕ Антонио Миолошоски денеска на прес-конференција изјави дека седум дена Владата на премиерот Зоран Заев ја замајува јавноста со измислена тема.
Вели дека тоа имаше за цел да ги покрие нивните неуспеси во економијата, во корупцијата, во правосудството, во животната средина.
Тврди дека според него, оваа правна неписменост на Владата заврши со Комисија за законодавно-правни прашања, во која мнозинство имаа владејачката СДСМ и ДУИ кои донесоа заклучок дека нема потреба од автентично толкување на членот 11, затоа што таков член, вели Милошоски, воопшто не постои.
„Зошто е ваквиот исход на СДСМ и нивните коалициони партнери, затоа што во последен момент станаа свесни дека опозицијата нема да се однесува на начин што ќе им овозможи тие да прават некакви изговори, и затоа што сфатија дека доколку Комисијата и Собранието донесат автентично мислење и толкување дека Членот 11 од Законот за помилување не постои, тој автоматски ќе мора да стане составен дел, односно да се избрише од Законот за помилување од 1993 година наваму“, рече Милошоски.
Оцени дека Владата и парламентарното мнозинство немаат добра координација.