Министерот Филипче ќе го решава хаосот со паркирање кај Клинички
Објавено во: Македонија 28 Декември, 2017
Новиот министер за здравство д-р Венко Филипче на својата прва прес конференција најави дека ќе го решава сообраќајниот хаос и проблемот со паркирани возила кај Клинички центар со повеќе мерки во кои ќе учествува МВР и град Скопје . Целта е да се спречи блокирањето на амбулантните возила на улицата Мајка Тереза, како и самиот пристап до клиниките.
Тој вчера разговарал со министерот за внатрешни работи и договориле наскоро, веројатно од следната недела, сообраќајна полиција постојано да биде присутна на улицата Мајка Тереза, каде ќе биде забрането паркирањето со цел да се растовари и ослободи брзиот пристап до клиниките.
Хаосот со паркирањето во дворот на Клиничкиот центар, Филипче најави дека ќе го решава во соработка со Град Скопје. Сè уште нема конкретни решенија, но една од опциите која ја разгледувале е и да се изгради или изнајми катна гаража во близина во која ќе се паркираат вработените и на тој начин ќе се намали гужвата со паркирани возила.