Минов: Има сериозни индиции дека Цар Фердинанд го нарачал убиството на Јане Сандански

Добивај вести на Viber

Никола Минов, член на новоформираното советодавно тело за давање мислење за употреба на име на историска и друга позната личност во името на здружение и друго правно лице, во утринската емисија на „Телма“ вели дека не е регистриран бугарски клуб „Цар фердинанд“ и дека не е пристигнато барање за мислење од Министерството за правда.

Вонредниот професор на Институтот за историја на Филозофски факултет во Скопје – за прашања од нов и најнов век, уште од сега знае дека Цар Фердинанд е негативна личност за Македонија од три аспекти.

„Фердинанд е бугарски кнез и бугарски цар, кој најдоследно се обидувал да ја спроведе на дело илузијата на Санстефанска Бугарија, идеја која никогаш не заживеала, а во која влегувале делови од Македонија, Албанија, Грција и Србија. Водел три војкни за да ја заживее Санстефанска Бугарија. Човекот едноставно сметал дека Македонија треба да биде Бугарија.

Ги држел под контрола врховистите во Софија и има силни индикации дека е наредбодавец за убиството на Јане Сандански. Затоа е премногу навредливо да се формира друштво со такво има на нашата територија“, изјави Минов.

Вели дека и тој како многу историчари не разбира која е потребата за вакви бугарски здруженија.

„На „Цар Фердинанд“ им биле дадени 30 дена за да побараат мислење од Министерството за правда, а ако побараат ќе го проследат тоа барање до советодавното тело формирано пред две недели. Советодавното тело се уште нема добиено барање за мислење“, додаде Минов.