Митко Јанчев бара избори во ВМРО-ДПМНЕ по примерот на СДСМ

Добивај вести на Viber

Градоначалникот на Кавадарци, Митко Јанчев, синоќа во емисијата „Во центар“ најави дека ќе се кандидира за претседател на ВМРО ДПМНЕ кога раководството на најголемата опозициска партија же може да се избира на непосредни избори со гласање на целокупното чќленство.

Според поранешниот потпретседател на ВМРО-ДПМНЕ, во моментов пракса е лидерот на партијата да биде избран или поставен од мала група луѓе и потоа тој да им биде должник и потоа да работи за нивните интереси. На овој начин, како што вели тој, партијата оди во погрешен правец и бележи само порази на политичката сцена.

Инаку СДСМ вчера на 25.конгрес објави дека изгласана е промена во статутот, според која од сега па натаму, започнувајќи напролет кога му истекува мандатот на актуелното раководство, претседателот на владеачката партија ќе се избира непосредно со гласање на секој член.

- Како претседател на СДСМ ќе може да се кандидира секој член на партијата со најмалку пет години работа во партијата или со поминат најмалку еден мандат во Централниот одбор како член со право на глас, објави Зоран Заев, лидерот на СДСМ.

Заев оваа одлука за измена на статутот на владеачката партија ја оцени како „пионерска“.и пример за кој очекува дека наскоро ќе го следат и другите политички партии. Според Заев, критериумот опфаќа огромна бројка на членови кои ќе може да се кандидираат за прв човек на СДСМ.

- До сега можеше да се кандидра само една мала група на елита од врвот на партијата. Сега ќе можат тоа да го сторат членови од општинските сојузи, од руралните средини, додаде претседателот.