Мизрахи: Има решение дека Шкријељ работи незаконски
Објавено во: Македонија 30 Јануари, 2020
Дополнителната заменик-министерка свесно го опструира тековното работење на министерството за труд ис оцијална политика, обвини попладнево техничката министерка Рашела Мизрахи.Таа вели дека и понудила соработка за нормално функционирање на институцијата на Санела Шкријељ но дека таа, како што вели, со сеење страв, заплашување и уцени, се обидувала да го попречи извршувањето на работните задачи на вработените во Министертвото за труд и социјална политика.
„Вработените се во постојан стрес и страв поради заплашувањата кои секојдневно ги добиваат од дополнителната заменичка и поради тоа истите се плашат да соработуваат и да ги извршуваат своите редовни работни задачи. Непознавањето и непочитувањето на Законот за влада на Република Македонија дополнителната заменик-министерка Шкријељ го потврдува преку меил комуникацијата и преку незаконски и беспредметнни дописи до вработените во министерството. Таа злоупотребувајќи ја својата позиција и со доза на закана прави притисок врз вработените да постапуваат спротивно на закон, за што имаме и соодветни докази, вели Мизрахи.
Тврди дека се обратила до Државната изборна комисија за да предмети и тоа „Решение за формирање на Комисија за вршење на непосреден увид во исполнетоста на условите за отпочнување со работа и вршење на дејноста на приватна установа за деца- детска градинка и за Решение за распоредување и Решение за плати. Комисијата утврдила дека донесените решенија, не претставуваат акти илидокументи кои се однесуваат на правни, финансиски, кадрови прашања поврзани со организација на изборите од член 46 став 3 од Законот за Влада.
„Со ова, се потврдува дека дополнителната заменик министерка Санела Шкријељ, НЕЗАКОНСКИ постапувала и го спречувала нормалното функционирање на Министерството за труд и социјална политика. Ги охрабрувам вработените, кои се докажани професионалци, да не се плашат и да не подлегнуваат на никакви притисоци а работните задачи да ги извршуваат без страв и притисок согласно закон, независно од политиката и да работат во полза на граѓаните на Република Македонија, вели Мизрахи.