МНОЗИНСТВОТО ГРАЃАНИ ОД ЗАПАДЕН БАЛКАН ВЕРУВААТ ВО ТЕОРИИ НА ЗАГОВОР: Против Ковид-19 би се вакцинирале само 39 отсто
Објавено во: Македонија 13 Декември, 2020
По големо
истражување на јавното мислење што го спроведоа „Балкан во Европа“ заедно со
Европскиот фонд на Балканот, најголемиот број граѓани од Западен Балкан не
веруваат во вакцините против корона вирусот, однос би се вакцинирале само 39
отсто.
Ова истражување истовремено покажа дека дури 2 третини или 75 проценти од населението во земјите од Западен Балкан веруваат во една или повеќе теории на заговор за КОВИД-19, а најмногубројни се граѓаните на Албанија, а потоа на Србија.
Студијата покажа дека склоноста да се верува во теории на заговор не зависи од образованието, возраста или полот на луѓето, ниту од тоа дали тие живеат во голем град или на село. Како главна причина за раширениот заговор се наведува недовербата кон државните институции и политичарите.