(ВИДЕО) Моќниот земјотрес во Мексико однесе 15 животи-најсилен во последните 100 години

Добивај вести на Viber

Бројот на загинатите при моќниот земјотрес во Мексико се искачи на 15 лица, соопшти локалната Форо-ТВ, повикувајќи се на податоци на претседателот Енрике Нието.

Претходно, беше соопштено за двајца, а потоа за пет мртви. Според шефот на државата, 10 лица загинале во Оака, во областа Теуантепек помеѓу Атлантикот и Тихиот Океан. Три лица загинале во државата Чиапас и уште две деца во државата Табаско. 

Според Нието, ова е најмоќниот земјотрес во земјата во изминатите 100 години. 

Во текот на денот различните сеизмолошки услуги ширум светот донесоа различни бројки за јачината на земјотресот. 

Согласно прецизирани податоци на Националната сеизмолошка служба на Мексико интензитетот на потресот бил 8,2 степен, пред тоа се соопштени се за 8 и 8,4 степени. 

Епицентарот бил на 137 километри југозападно од Тонала, Чиапас. Земјотресот бил на длабочина 58 км, а според претходните податоци длабоко 33 и 92 километри. До 70 сантиметри достигна висината на брановите по земјотресот крај јужниот брег на Мексико, соопшти Тихоокеанскиот центар за предупредување за цунами на страната на Твитер. 

"Во Мексико има потврда за цунами. Највисоките бранови достигнаа 0,7 метри", се вели во соопштението. Претходно имаше порака дека цунамито може да достигне 3 метри. Се очекуваше формирање на големи бранови и можеби цунами крај брегот на Мексико, Костарика, Никарагва, Гватемала, Салвадор, Панама, Хондурас и Еквадор, но тоа не се случи.

Потресот го залула и главниот град на Мексико, каде што луѓето ги напуштија зградите, слушајќи ги звуците на катастрофата. Државната нафтена компанија Pemex вели дека земјотресот не влијаел на работата на нејзините локации, но нивниот став продолжува.