20 Јануари, 2020
0.0167

Можно е изборите да ја забават економијата во следната година, смета гувернерката Бежовска

Објавено во: Финансии 07 Ноември, 2019

Можно е да има забавување на економската активност следната година заради претстојните вонредни парламентарни избори, смета гувернерката Анита Бежовска Ангеловска. 

„Искуството досега упатува дека изборите е можно да имаат влијание на забавување на економската активност, но она што е карактеристично и вообичаено е дека ефектите од тоа се чувствуваат на пократок период, така што можно е, не е исклучена можноста да има одредено забавување на економската активност, но важно е во целиот овој период да се продолжи со структурните реформи, бидејќи тие се најважниот фактор што го детерминира растот, ги подобрува ефектите на економијата, за да може по завршувањето на тој изборен циклус, со поголем потенцијал на нашата економија да се остваруваат повисоки стапки на раст кои несомнено ни се потребни“, рече гувернерката на денешната пшрес копнференција на која ги соопшти најновите прогнози на монетарната власт за растот на домашната економија.

А за годинава Народна банка на Северна Македонија останува на својата прогноза дека БДП ќе порасне за 3,5 отсто, додека за наредната година прогнозира 3,8 проценти. 

А на среден рок се очекува растот на економијата во земјава да изнесува 4 проценти. 

Бежовска соопшти дека нема некои позначајни отстапки во однос на прогнозите од април. Надолни очекувања има за странската ефективна побарувачка, бидејќи се очекува забавување на глобалната економија, од претходните 3,6 отсто раст, на три проценти. Всушност, на нашата економија позначајно влијание може да има кризата на германската автомобилска индустрија, а Брегзитот не се очекува да има позначајни ефекти. Инаку, нашиот раст ќе биде воден од домашната побарувачка, но значајно влијание ќе даде и извозот, и од странските, но и од домашните индустриски капацитети. 

Гувернерката потврди дека оваа година се слабо искористени капитралните инвестиции, околу 40 отсто за првите три квартали и укажа дека тие треба да се зголемат, бидејќи се многу значајни за економскиот раст на државата. 

НБМ очекува и постепена фискална консолидација во следниот период. 

За Буџетот за идната година чие носење се одложи на вчерашната владина седница Бежовска рече дека НБМ не ги има деталите, и очекува да го види предлог буџетот, но и новата фискална стратегија, па ако има потреба, ќе се преоценат сегашните макроекономски ноемвриски проекции, но доколку нема големи отстапувања, тие ќе останат ниски.

Кредитната активност се очекува и натаму да ја поддржува економијата, додека за инфлацијата се очекува да остане ниска. 

Нина Нинеска-Фиданоска

Можеби ќе ве интересира

ЗАПРЕ РАСТОТ НА КИРИИТЕ ВО ГЕРМАНИЈА: Берлин не е најскап

ЗАПРЕ РАСТОТ НА КИРИИТЕ ВО ГЕРМАНИЈА: Берлин не е најскап

Поседуваат повеќе пари од сите жени во Африка

Поседуваат повеќе пари од сите жени во Африка

УНИБанка ќе исплатува камата за перпетуалните обврзници

УНИБанка ќе исплатува камата за перпетуалните обврзници

КОЈ ЗАРАБОТИ НАЈМНОГУ ПАРИ И Е НАЈБОГАТ ВО СВЕТОТ: Ниту Гејтс, ниту Безос, туку овој човек

КОЈ ЗАРАБОТИ НАЈМНОГУ ПАРИ И Е НАЈБОГАТ ВО СВЕТОТ: Ниту Гејтс, ниту Безос, туку овој човек

Ангеловска: Со сивата економија ќе се бориме и преку инспекции, но и со меки мерки

Ангеловска: Со сивата економија ќе се бориме и преку инспекции, но и со меки мерки

Се огласи и гувернерката Бежовска: Ги симнуваме каматите, но уште ни се повисоки од Европа

Се огласи и гувернерката Бежовска: Ги симнуваме каматите, но уште ни се повисоки од Европа

Уште една земја размислува за работна недела од четири дена

Уште една земја размислува за работна недела од четири дена

Сега се 5 отсто за кредити и 1,28 отсто за заштеди - каматите ќе паѓаат и натаму

Сега се 5 отсто за кредити и 1,28 отсто за заштеди - каматите ќе паѓаат и натаму

ИСТОРИСКИ НАЈНИСКА - НБМ ја симна основната камата на само 2 отсто

ИСТОРИСКИ НАЈНИСКА - НБМ ја симна основната камата на само 2 отсто