19 Мај, 2021
0.0239

МУАРЕМИ: Додека не утврдиме каде завршиле парите од Еуростандард банка, не можеме да ја затвориме истрагата

Објавено во: Финансии 13 Ноември, 2020

Директорот на Управата за финансиска полиција Арафат Муареми, на денешната Надзорна расправа за Еуростандард банка, рече дека Управата активно работи на овој случај, ги утврдува причините како дошло до несолвентност на банката, како се давале кредитите и каде завршиле тие пари. 

„Ние истражуваме, а Јавното обвинителство треба да утврди дали ќе оди со истрага или ќе ја запре постапката“, рече Муареми.

Има три наредби, една е од ОЈО, а една од Обвинителството за Организиран криминал, а имаме и сопствена постапка, нагласи директорот на Управата. Според него, процесот се уште е во предистражна постапка, се уште не е отворена истражна постапка. 

„Не можеме да кажеме во која насока ќе оди истрагата и не можеме да кажеме каде има вина“, рече Муареми, потенцирајќи дека веќе не може да се откриваат детали. 

Пратеникот Сајкоски праша кои се фирмите кои се сомнителни должници, колку се тие, дали се 29 или 51, и каде завршиле парите од банката?

„Имаме голем број фирми кои се предмет на проверка, за еден дел се веќе обезбедени докази, а други се на листата за кои треба да се обезбедат докази. Инаку, и нас не интересира каде завршиле парите, и ние следиме каква е трагата на парите, бидејќи без тоа нема да можеме да ја затворите истрагата“, рече Арафат Муареми, директор на Управата за финансиска полиција.

Н.Н.Ф.

Можеби ќе ве интересира

Кристина Камчева влегува во Надзорен одбор на Стопанска банка Битола

Кристина Камчева влегува во Надзорен одбор на Стопанска банка Битола

Почнал повратот на ДДВ: За граѓаните 6,5 милиони евра, нема да има за тие што добија два пати во февруари

Почнал повратот на ДДВ: За граѓаните 6,5 милиони евра, нема да има за тие што добија два пати во февруари

ГОДИНАВА ЌЕ ИМАМЕ ПОВИСОКИ ЦЕНИ ОД ОНА ШТО СЕ ОЧЕКУВАШЕ - Народна банка ги зголеми прогнозите за инфлација на 2,2 отсто за годинава

ГОДИНАВА ЌЕ ИМАМЕ ПОВИСОКИ ЦЕНИ ОД ОНА ШТО СЕ ОЧЕКУВАШЕ - Народна банка ги зголеми прогнозите за инфлација на 2,2 отсто за годинава

Адвокатите се дигитализираат!

Адвокатите се дигитализираат!