МВР, култура и образование „победници“ во истражување за тендери

Добивај вести на Viber

Во истражувањето за 2018-та на Центарот за граѓански комуникации во две министерства - ресорот за култура и ресорот за земјоделство, шумарство и земјоделство доминира еден оператор кој ги добива тендерите над прагот на толеранција од 40 отсто во вкупните јавни набавки.

Во Министерството за култура еден оператор зафаќал дури 96 отсто од вредноста на тендерите на ова владино тело, додека кај Министерството за земјоделство, шумарство и водостопанство еден оператор зафаќа 42 отсто. Министерството за правда е најдоброрангирано во ова истражување каде што една фирма најмногу добила 2 отсто

Во овој параметар, како репер за концентрација на еден понудувач, е земена одредбата од Законот за заштита на конкуренцијата, каде што како концентрација се смета пазарен удел на еден од учесниците повисок од 40%.

Министерството за образование доминира во категоријата на владини тела со склучени договори за јавни набавки без претходно објавен оглас. Таму потрошените пари за набавки од ваков тип изнесуваат 42 отсто, пред Генералниот секретаријат на Владата со 37 отсто и Слуќбата за општи и заеднички работи со 20 отсто.

Дури 14,2 отсто од фирмите кои учествувале во тендерите на Министерството за внатрешни работи поднеле жалба откако не го добиле договорот. МВР е негативен предводник во оваа категорија за соодносот на огласи кон жапби, пред Министерството за здравство со 11,5 отсто.