МВР ОБЈАВИ ФОТОГРАФИЈА ОД ЛИЦЕТО КОЕ ВЕЕШЕ ЗНАМЕ НА „ГОЛЕМА АЛБАНИЈА“ - Бараат помош за негово пронаоѓање (ФОТО)
Објавено во: Македонија 18 Август, 2023
Министерство за внатрешни работи бара помош од граѓаните за пронаоѓање на лицето кое на градскиот плошад Тетово вееше знаме „голема Албанија“.
- Во врска со кривично - правниот настан од 11.08.2023 на Градскиот плоштад во Тетово, за кој во изминатите денови беа пласирани и бројни дезинформации и шпекулации, МВР ја информира јавноста дека на фотографијата обезбедена од полициските служби е лицето што го вееше знамето со т.н. „голема Албанија“ - посочуваат од МВР.
Од Министерството посочуваат дека со ова воедно „ги демантираме пласираните лажните вести дека сторителот на ова дело е припадник на МВР“.
- Воедно, ги повикуваме сите граѓани доколку го забележат ова лице, имаат било какви сознанија за него или корисна информација која може да помогне во истрагата која СВР Тетово ја води во координација со Јавен обвинител, веднаш да известат во најблиската полициска станица или да пријават на телефонските броеви 192 или 112 - се наведува во соопштението на МВР.