На кого од екс Југославија можеме да парираме со платите?
Објавено во: Економија 05 Август, 2018
Македонија и Србија во регионот ги имаат најниските плати.
Македонските работници заработуваат помалку од српските, но далеку помалку од другите на Балканот.
Просечната плата во Македонија во мај оваа година изнесувала 399,28 евра (24.509 денари). Во Србија просекот е 426 евра.
Највисоки плати во регионот имаат Словенците, чии просечни примања во мај стигнале до 1.077 евра. Со тоа Словенија стана единствената држава во регионот чија просечна плата надминува илјада евра.
Највисоко зголемување на просечната нето плата има во Хрватска. Таму платата се зголемила за 71,42 евра и достигнала 866,95 евра, во однос на истиот период лани.
Во Црна Гора просечната плата во јуни изнесувала 511 евра. Во Босна и Херцеговина во мај била на ниво од 448,59 евра.
Во Црна Гора просечната нето заработувачка во јуни годинава во однос на еден месец претходно забележала пад од 0,2 отсто, додека просечната нето заработувачка во јуни 2018 година во однос на истиот месец претходната година забележал раст од 0,2 отсто.
Според статистиките на Анадолија, просечната плата во однос на минатата година најмногу пораснала во Хрватска и тоа за 71,42 евра, во Србија пораснала за 29,71 евро, во Словенија за 21,30 евра.
Во земјава просечната плата за разлика од лани пораснала за 7,1 отсто или 17,38 евра, во Босна за 12,46 евра.