25 Мај, 2019
0.0209

На колку луѓе во светот сиромаштијата им тропа на врата?

Објавено во: Економија 21 Септември, 2018

Децата ширум светот се погодени од сиромаштија. 

Половината од луѓето кои живеат во сиромаштија се под 18 години. Ова го покажуваат податоците од најновото истражување на Обединетите Нации.

Околу 1,3 милијарди луѓе, или скоро една четвртина од населението во 104 земји, кои се вклучени во истражувањето, кажале дека се сиромашни. Приближно 662 милиони од нив се деца.

Луѓето кои живеат во сиромаштија немаат пристап до неопходните работи, како што е вода, средства за хигиена, електрична енергија, соодветна исхрана или основно образование.

Со истражувањето се опфатени здравствената заштита, образованието и животниот стандард. 

Резултатите од истражувањето покажуваат и дека поголемиот број од сиромашните односно 1,1 милијарда луѓе живеат во селските региони, каде сиромаштијата е четирипати поголема отколку во градските средини.

Истражувањето е спроведено пред се во држави со ниски и средни приходи, во кои живеат речиси три четвртини од светското население.

Според Светска банка, стапката на сиромаштија во светот падна на историски минимум. 

Во 2015 година 10 отсто од светското население живеело со помалку од 1,90 долар дневно, што е помалку од оние 11,2 отсто од 2013 година, истакнуваат од оваа меѓународна институција.

Тоа значи дека 735,9 милиони луѓе во 2015 година живееле под границата на сиромаштија, во споредба со 804,2 милиони од 2013 година. 

Намалувањето на сиромаштијата е регистрирано во сите региони, со исклучок на Блискиот Исток и Северна Африка, каде што судирите во Сирија и Јемен ја зголемија стапката на сиромаштија од 2,6 отсто, колку што изнесуваше во 2013 година, на 5 отсто, колку што се забележани во 2015 година. 

Стапката на сиромаштија во Супсахарска Африка изнесува 41,1 отсто, во Јужна Азија 12,4 отсто, во Латинска Америка и Карибите 4,1 отсто, во Источна Азија и Пацификот 2,3 отсто, а во Европа и Централна Азија 1,5 отсто, истакнаа од Светската банка.

Можеби ќе ве интересира

„Ван Хол“ во големата тројка на странски инвестиции кои „газат“

„Ван Хол“ во големата тројка на странски инвестиции кои „газат“

„Сеавус“ ја „шие“ конкуренцијата: колку пари прави оваа софтверска компанија

„Сеавус“ ја „шие“ конкуренцијата: колку пари прави оваа софтверска компанија

Што се случи со фунтата по најавата за оставка од Тереза Меј?

Што се случи со фунтата по најавата за оставка од Тереза Меј?

„Сардич“ бара 350 милиони евра отштета од Македонија

„Сардич“ бара 350 милиони евра отштета од Македонија

УШТЕ ЕДНА СТРАНСКА ИНВЕСТИЦИЈА: Анѓушев очекува со новите работни места да се намали емиграцијата

УШТЕ ЕДНА СТРАНСКА ИНВЕСТИЦИЈА: Анѓушев очекува со новите работни места да се намали емиграцијата

И не е сѐ така црно

И не е сѐ така црно

Тевдовски вработува нов советник за плата од 35.679 денари

Тевдовски вработува нов советник за плата од 35.679 денари

Ребрендирањето на Вип во А1 ќе донесе многу изненадувања за корисниците

Ребрендирањето на Вип во А1 ќе донесе многу изненадувања за корисниците

Кој прави милиони евра промет од ајвар и туршија?

Кој прави милиони евра промет од ајвар и туршија?