НА МАСА САМО ЕДНА ТЕМА - КОСОВО И МЕТОХИЈА: Вучиќ закажа итна седница на Советот за национална безбедност
Објавено во: Балкан 20 Септември, 2021
Претседателот на Србија, Александар Вучиќ, за утре во 10 часот закажа итна седница на Советот за национална безбедност, на која главна тема ќе бидат настаните во Косово и Метохија, пишува „Новости“.
Според овие медиуми, анализата на последните напади врз Србите во Косово и Метохија ќе биде на маса, како и најновата одлука за отстранување регистарски таблички од српските автомобили, со која, како што пишува Блиц.рс, Владата на Албин Курти ги доведе Косово и Метохија на работ на нови конфликти.
Исто така, ќе се дискутира за отворената опструкција и избегнувањето на Приштина за спроведување на договорот од Брисел од 2011 година, односно спроведување на овие акти само во делот што им одговара на Албанците, пишува Блиц.рс.
Неофицијално, се очекува да се разгледуива и повлекувањето на Белград од сите претходни договори, бидејќи, според Блиц.рс, приштинската страна практично не исполнила никаква одредба или обврска.
Извори на овој медиум јавиле дека на утрешната седница бил поканет началникот на Генералштабот на Војската на Србија, Милан Мојсиловиќ, како и началниците на сите специјални единици на вооружените сили на Србија.
Извор: Блиц.рс