На пиедесталот на листата на милијардери на „Форбс“ е основачот на „Амазон“, Трамп падна за 222 места
Објавено во: Стил 06 Март, 2018
Трамп падна за 222 места на годишната листа на милијардери, што ја објавува магазинот „Форбс“. Неговото богатство се намали од 3,5 на 3,1 милијарда долари и магазинот појасни дека ова се должи на падот на вредноста на неговиот имот во централен Њујорк, како и на намалени приходи од неговите голф терени. Трамп сега се наоѓа на 766. место.
На пиедесталот на листата е основачот и сопственик на онлајн гигантот „Амазон“, Џеф Безос, чие богатство за една година порасна од 39,2 на 112 милијарди долари, што е најголем забележан раст досега.
На второто место се наоѓа Бил Гејтс со 90 милијарди долари.
Рекордна бројка од 2.208 милијардери се најде на 32. издание на листата и тие вкупно вредат 9,1 трилиони долари.
Најбогата личност во Европа е Бернар Арно, кој е вкупно четврти на листата со 72 милијарди долари, зад Ворен Бафет (84).
Најмногу милијардери има во САД – 585, од кои само во Калифорнија се 144, па следува Кина со 373.
