НАФТАШИ ПОДГОТВЕТЕ СЕ: Црното злато оди на 100 долари!
Објавено во: Економија 12 Мај, 2018
Проблемите со испораки на нафта од Иран и Венецуела веројатно ќе извршат притисок на глобалниот енергетски пазар, тврдат аналитичари од „Bank of America Merrill Lynch“.
Цените на фјучерсите на северноморската нафта од типот „брент“ која моментално се движи од околу 77 долари за барел, ќе достигне 90 долари за барел во другото тримесечие на 2019 година поради намалените светски залихи , порачуваат од таа банка.
Цените на црното злато меѓутоа би можеле да пораснат уште повеќе, бидејќи спогодбата помеѓу ОПЕК и другите главни произведувачи, како Русија за ограничување на производството и понатаму помагаат со намалување на глобалните понуди.
Влошувањето на ситуацијата во Иран може да ги искачи цените на 100 долари, односно на ниво кое не е видено уште од 2014 година, велат аналитичарите.
Нафтата „брент“ достигна највисоко ниво во изминатите три години набрзо откако Трамп претходно оваа недела кажа дека САД се повлекуваат од нуклеарниот договор кој е постигнат пред три години со Иран и најавил обновување на санкциите на Техеран.
Иран наводно произведува четири отсто од вкупните глобални испораки, и има дневно производство од околу 3,8 милиони барели.
Аналитичарите очекуваат дека ОПЕК и Русија постепено ќе ги намалат количините кои ги држат подалеку од пазарот. Меѓутоа, доколку не се повлечат од сегашниот договор за ограничување на производството, ситуацијата на глобалниот пазар, како оценуваат, ќе стане позатегната и цените ќе се зголемат.