Нагло зголемување на приходите од туризмот во Грција

Добивај вести на Viber

Според податоците на Централната банка на Грција потрошувачката на туристите во Грција скокнала во јуни, потврдувајќи ги прогнозите дека рекордната летна туристичка сезона би можела на презадолжената земја да и' обезбеди добра инјекција од странски приходи.

Имајќи ги предвид падот на домашната грчка потрошувачка, инвестициите и иднустриското производство поради жестоките мерки за штедење, потрошувачката на странските гости останува единствениот можен придвижувач на растот на грчката економија којашто во 2013 година би требало да се намали за 4,2 отсто.

Според новите податоци , приходите од туризмот во јуни во Грција се зголемиле за 21 отсто, во однос на претходната 2012 година, на 1,59 милијарди евра. Со тоа вкупните приходи од туризмот во првата половина од 2013 година пораснале на 3,32 милијарди евра, што е за 18 отсто повеќе отколку во истиот период лани, кога стравот од грчкото излегување од еврозоната ги одвраќаше туристите од доаѓање во земјата.

Грчкиот туристички сектор во моментов прогнозира дека приходите од туризмот пораснале во оваа година за 10 отсто, на 11 милијарди евра ,со рекордни 17 милијарди гости. Хотелиерите, угостителите и туристичките компании ги спуштија цените и ги подобриле услугите за да ја надминат кризата и да привлечат повеќе гости.

Дополнителен позитивен фактор претставувал и подоброто мешање на гостите, вклучително и оние кои остануваат подолго и повеќе трошат во просек, како што се руските туристи.