Најдена е масовна гробница со 4.000 тела
Објавено во: Свет 26 Февруари, 2017
Масовна гробница во која се наоѓаат околу 4.000 тела е пронајдена во близина на ирачкиот град Мосул, во кој моментално се води операција против „Исламска држава“, пишува британскиот весник „Телеграф“.
Пронајден е огромен кратер во областа Хасфа во близина на патот, кој ги поврзува Мосул со Багдад.
Повеќето жртви се стрелани, според очевидци, а според нивните проценки јамата била длабока повеќе од 400 метри пред во неа да почнат да ги фрлаат телата.
Припадниците на „Исламска држава“ убивале ирачки војници заробени во 2014 година и ги фрлале нивните тела во оваа јама, наведува весникот.
Источниот дел на градот е ослободен лани во октомври, а западниот е под контрола на џихадистите.