НАЈДОБРО РАБОТНО МЕСТО ВО ДРЖАВАТА: Нема стрес, ниту отказ
Објавено во: Балкан 18 Април, 2018
Еднаш кога ќе дојдеш до такво работно место, мирен си до пензија, а отказ е невозможно да добиеш, раскажува вработена во сплитската градска управа која сака да остане анонимна.
„Веќе 20 години работам како секретарка. Почнав по матурата, а за студии никогаш не ни размислував. Работа најдов веднаш, а моите колешки од Економското училиште ја немаа таа среќа. Но, среќата има две страни како и приказната. Платата е мала, но сигурноста е голема“ - вели таа за Слободна Далмација.
Раскажува дека работата не е напорна, не е под стрес и кога ќе затвори врата дома си оди неоптоварена.
Вели дека дома не размислува што не стигнала да сработи, затоа што тоа може и утре да го направи.
„Моите пријателки кои работат во приватен сектор ако им се разболи дете се во фрка, бараат кој да се грижи за него, затоа што да земат боледување е научна фантастика“- додава оваа жена.
За себе вели дека има точно утврдено работно време, слободни празници и викенди, а отказ е невозможно да се добие.