Најголемиот производител на дијаманти губи пари

Добивај вести на Viber

Пад на профитот има кај најголемиот светски производител на дијаманти.

Нето профитот на руската компанија „Алроса”, најголемиот светски производител на дијаманти, во првите шест месеци од годината забележа пад за 36 отсто и изнесува 37,5 милијарди рубљи (560,56 милиони долари).

Нето профитот на компанија за вториот квартал на 2019 година е намален за 44 проценти во однос на претходниот квартал и за 47 отсто во споредба со истиот период од минатата година и изнесува 13,4 милијарди рубљи (200,2 милиони долари).

Приходите на „Алроса” во второто тримесечје од годината изнесуваат 57,4 милијарди рубљи (858,47 милиони долари) што е за 19 отсто помалку од првиот квартал и 21 проценти помалку во споредба со истиот период од минатата година.

„Алроса” ги намали своите процени за вложување за 2019 година од 28 милијарди рубљи (418,6 милиони долари) на 23,4 милијарди рубљи (349,84 милиони долари).

Проекцијата на производство е зголемено на 38,5 милиони карати во однос на претходната прогноза за околу 38 милиони карати.

Компанијата „Алроса” е најголемиот производител на дијаманти (во карати) во светот, а акционери се Руската Федерација, застапена од Федералната агенција за управување со имот (33,02 отсто), Јакутија (25 проценти) и нејзините региони (осум проценти). Додека околу 34 проценти од акциите се во слободен промет.