Најстариот сенатор на САД има тежок тумор на мозокот
Објавено во: Свет 20 Јули, 2017
Џон Мекејн, сенаторот на САД со најдолг стаж и поранешен кандидат за претседател кој загуби од Обама, му е поставена тешка дијагноза на малигнен тумор на мозокот.
Туморот бил откриен за време на операција за отстранување на крвно згрутчување во областа на левото око, што беше направена во познатата клиника „Мејо“ во Аризона, во петокот.
Мекејн, кој наскоро ќе наполни 81 година е сенатор од Аризона. Тој добро ја поднел операцијата и во моментов се опоравува во својот дом, а лекарите велат дека го отстраниле целиот тумор кој можел да се види на скенер.
Мекејн е поранешен воен пилот – ветеран од војната во Виетнам каде беше држен со години во воен затвор. Во 1981 година тој започна политичка кариера. Два мандати беше член на Претставничкиот дом, а од 1986 година, досега е сенатор. Два пати учествуваше во трката за претседател на Републиканската партија. Во моментов е претседател на сенатската комисија за вооружени сили.