Намалена затворската казна за Бобан Илиќ за прегазувањето на малиот Алмир Алиу
Објавено во: Македонија 30 Октомври, 2020
Апелациониот суд ја намали затворската казна за Бобан Илиќ кој во Куманово го прегзаи четиригодишниот Алмир Алиу, бегајќи со автомобилот од толпата на неговото семејство која го бркаше по инцидент во кумановската болница.
Судот за „Порталб“ потврдил дека се менува одлука и затворската казна е намалена од 6 години на 4 години. Таткото на Алмир останува како осуден на 6 месеци, додека другите двајца членови на семејството со по 9 месеци затвор. Одлуката треба да биде објавена во наредниот период.
Минатата гдоина Основниот суд Куманово изрече идентични казни за обвинетите во случајот „Алмир Алиу“, при повторената постапка откако Апелација го врати случајот во Кумановскиот суд.