НАПРАВИЛЕ НЕШТО УНИКАТНО: Канцеларијата ја замениле со семеен бизнис
Објавено во: Балкан 30 Јануари, 2019
Со ванила, чоколадо, јагода или кекс, семејството Стефановиќ од Србија прави сутлијаш и во тоа се единствени.
Тие ја замениле работата од 9 до 17 часот со сеемен бизнис, и отвориле бар за сутлијаш.
Драгана Стефановиќ вели дека размислувале за бизнис, и конечно решиле со што ќе се занимаваат, а овој сутлијаш бар е прв од ваков вид во Белград, а најверојатно и во цела Србија, пишува српски Блиц.
За кратко време станале успешни, така што бројот на вкусови и купувачи не ги бројат.
Од идеја до реализација поминало доста време, но најтешко им било да го изберат првиот вкус.
„Така поминаа девет месеци. Истражував и пробував различни вкусови, а во еден момент целиот комшилук јадеше сутлијаш и ни помогна што треба да се додаде и подобри“, вели Стефановиќ.
Со текот на времето додавале нови вкусови, и сега ги имаат повеќе од 20, а најбаран е оној со соино млеко. Вели дека тој за купувачите бил позитивна новина.
Бидејќи имаат купувачи кои се дијабетичари или водат здрав живот, тие сакаат да создадат сутлијаш без шеќер.