Наставниците го прифатија барањето на Владата, поголеми плати ќе имаат од јануари
Објавено во: Економија 08 Ноември, 2019
И официјално генерален штрајк меѓу просветарите нема да има. На денешната средба падна договор со кој наставниците ќе имаат покачување на платите како што бараа од први јануари.
СОНК денеска го прифати барањето за скок на примањата но процентот останува тој што им го понуди владата од 10 проценти.
Претседателот на СОНК, Јаким Неделков тврдеше дека исплатата на поголемата плата може да започне од почетокот на следната година, односно да не се чека до април а наставниците ја прифатија понудата на министерството да се зголемат платите за дополнителни 10 отсто на оние 5 отсто кои веќе се во сила од септември.
Министерот Арбр Адеми истакна дека е горд на договорот и покачените плати на наставниците.