НДП и БЕСА коалицираат и ќе се тркаат во четири изборни единици

Добивај вести на Viber

Национална демократска преродба и движењето БЕСА на претстојните избори закажани за 11 декември ќе настапат како коалиција. 

Оваа информација на јавноста ја соопштија денеска. 

Коалицијата ќе го носи името ПРЕРОДБА СО БЕСА.  Тие ќе се залагаат за интеграција на земјата во НАТО и отворање на преговорите за пристапување во ЕУ, за деполитизација и департизација на системот на правда, системот за безбедност, администрацијата, и борба против секоја форма на корупција и злоупотреба на власта, да се загарантира слободата и независноста не медиумите, за борба против сите форми на екстремизам и ксенофобија, како и за евалуација на Охридскиот договор и друго. 

Коалицијата има  кандидатски листи за изборните единици 1, 2, 5 и 6. Во изборната единица број еден ПРЕРОДБА СО БЕСА ќе биде предводена од потпретседателот на Движењето БЕСА, Зеќирија Ибрахими, во изборната единица  2 коалицијата носител е генералниот секретар на Движењето БЕСА, Африм Гаши, во изборната единица  5 е Арбен Лабеништи, исто  потпретседател на Движењето БЕСА. Во 6 изборна единица носител е претседателот на Движењето БЕСА, Билал Касами, а зад него е претседателот на Националната демократска преродба, Фадил Зендели на место број 2.