НЕ Е ГЕРМАНИЈА: Држава со најдобар стандард во Европа
Објавено во: Економија 16 Јуни, 2017
Според податоците на Евростат, Луксембург е најбогата земја во ЕУ.
Оваа држава има најголем просечен бруто домашен производ (БДП) по глава на жител. Луксембург ја задржа водечката позиција на списокот на земјите од ЕУ на индивидуална потрошувачка по глава на жител од 32% над просекот во Унијата, што е сепак за 5 процентни поени помалку отколку во 2015 година.
Зад Луксембург се Германија, Австрија, Велика Британија, Данска и Финска, а меѓу десетте најдобри се и Белгија, Франција и Холандија.
Најсиромашни во европската заедница се Бугарија, Хрватска и Романија.
Хрватска, според податоците за 2016 година, се наоѓа на 59% од просек на ЕУ кога станува збор за БДП. Бугарите лани трошеле 47% под просекот на ЕУ. Хрватска на индексот на благосостојба во ЕУ се најде на претпоследното место.
Меѓу слабите земји се и Унгарија, Литванија и Естонија.