НЕ Е ВАЖНО ДАЛИ ПРЕЛЕЖАЛЕ ИЛИ СЕ ВАКЦИНИРАЛЕ-ПАСОШ САМО ЗА ИМУНИ НА ВИРУСОТ: Епидемиологот Даниловски укажува на важноста за присуство на антитела
Објавено во: Македонија 31 Октомври, 2021
Епидемиологот Драган
Даниловски вели дека „пасошите“ треба да ги поседуваат луѓето кои се имуни на
корона вирусот, независно дали ја прележале болеста или се вакцинирале.
Во гостувањето во емисијата на ТВ 24, Стдио 10, професорот укажува на важноста за присуството на антитела во организмот
„... тоа не треба да бидат пасоши за вакцинираност, туку пасоши за имуност. Многу порелевантно е за мене, од епидемиолошка гледна точка, имајќи предвид дека делта го заобиколува имунитетот - значи, не штити 100 посто вакцинацијата против делта вирусот – дека практично и заразен, иако има потврда за вакцинираност, кога ќе влезе некаде, може да биде извор на зараза, па уште и асимптоматски да биде. Тоа се некои нелогичности, кои само се пресликуваат од запад, ама суштината епидемиолошка е дека всушност ни се потребни „пасоши“ за имуност! Тоа значи дека не треба да го интересира некого дали јас сум прележал, дали сум вакциниран или сум вакциниран и прележан... битно е да имам антитела во мојот организам! И за тоа да добијам потврда (пасош). И со таа потврда да циркулирам, да се движам. Тоа е она што би било праведно, правично!“ (9:57 мин.)