Не започнувајте работа пред да му ги поставите овие 5 клучни прашања на вашиот електричар

Добивај вести на Viber

Изборот на вистинскиот електричар е една од оние одлуки кои можат многу да влијаат на безбедноста и вредноста на вашиот дом. Можеби токму сега размислувате за замена на електроинсталацијата или ви треба некој кој правилно и безбедно ќе инсталира струја во вашиот новдом. 

Без оглед на тоа што е во прашање, апсолутна е сигурно дека сакате некој кој ќе ја заврши работата беспрекорно, безбедно и на време. Сепак, како можете да бидете сигурни дека избраниот електричар е навистина вистинскиот за она што ви треба?

Не се впуштајте во ваква работа пред да го прашате вашиот електричар следните пет најважни прашања. Ова се прашања кои ќе ви помогнат да знаете кого вработувате и како ќе се заврши работата. Најпрво, одговорите на тие прашања треба да ве смират и да ве уверат дека се ќе биде направено како што треба.

Дали ги има соодветните лиценци и сертификати?

Првото прашање што треба да го поставите може да изгледа очигледно, но многу луѓе го прескокнуваат. Дали вашиот електричар има важечка лиценца? Лиценцата не е само парче хартија - тоа значи дека електричарот ја поминал потребната обука, запознаен е со безбедносните стандарди и работи во согласност со законот. Без лиценца, ризикувате да вработите некој кој можеби не е во тек со најновите прописи или едноставно нема знаење за безбедно да ја заврши работата.

Не верувајте им само на збор. Побарајте да ја видите лиценцата и да ја проверите нејзината валидност. Ако електричарот се двоуми или се оправдува, ова може да биде првиот знак дека нешто не е во ред.

Какво искуство имал со слични проекти?

Кога барате електричар, важно е да знаете дека не секој професионалец е погоден за секоја работа. Дали има искуство со типот на работа што ја планирате? На пример, некој чие искуство е стекнато најмногу од работа во индустриски капацитети можеби не е најдобриот избор за сложени домашни електро инсталации.

Прашајте го за слични проекти што ги има направено претходно. Замолете го да ги опише предизвиците со кои се соочил и како ги надминал. Ако е можно, погледнете дел од неговата мината работа или прашајте го за препораки од клиентите. Искуството и препораките ќе ви дадат појасна слика дали тој електричар е вистинската личност за она што ви треба.

Која е очекуваната временска рамка за извршување на работите?

Времето е важен фактор во секој бизнис. Колку време ќе траат работите? Премногу краток рок може да значи дека работата ќе се заврши површно, а предолгото може да доведе до фрустрации и непријатности. Добриот електричар ќе даде реална временска рамка која ги вклучува сите фази на работата - од дизајн до реализација и тестирање.

Задолжително проверете како електричарот ќе го реши доцнењето во работата. Што се случува ако се појават неочекувани проблеми? Важно е да имате јасна слика за тоа колку долго ќе трае работата и како тоа ќе влијае на вашиот секојдневен живот.

Како ги применува правилата за безбедност при работа?

Безбедноста мора да биде на прво место при изведување на какви било работи за електрична инсталација. Како електричарот ги применува правилата за безбедност при работа? Овие правила се однесуваат и на личната заштита и безбедноста за време на работата за да се спречат несреќи, како и на безбедното користење на електричните инсталации по завршувањето на работата.

Проверете дали електричарот применува заштитни мерки и што прави за да се осигура дека сите електрични инсталации, уреди, опрема и нивни делови се усогласени со прописите. Прашајте го и за процедурите за тестирање откако ќе заврши со работата - дали ќе провери дали сè работи правилно и безбедно? Важно е да се биде свесен за ризиците.

Каква е неговата политика за гаранција и поправка?

Дури и најдобрите електричари понекогаш се соочуваат со проблеми по завршувањето на работата. Какви гаранции нуди? Гаранцијата значи дека електричарот стои зад својата работа и ќе ја поправи секоја грешка што ќе се појави во одреден временски период по завршувањето на работата - и тоа е бесплатно.

Исто така прашајте што ќе се случи ако се појават проблеми по завршувањето на работата. Ако проблемот се појави поради нешто што го направил или не направил се, дали ќе го поправи на свој трошок? Јасно дефинираната политика за гаранција и поправка може да ви заштеди многу стрес, како и последователни, непланирани трошоци.

Дозволете експерт да го осветли вашиот дом на вистински начин 

Изборот на вистинскиот електричар не е лесна задача, но е клучна за безбедноста на вашиот дом и квалитетот на животот во него. Доколку на вашиот електричар му ги поставите овие пет прашања, ќе ви помогне подобро да се подготвите за она што ви претстои и да избегнете потенцијални стапици. Запомнете - вашиот дом и вашата безбедност се вредни да барате и да го добиете најдобриот професионалец за таа работа.

Сега кога знаете што да прашате, подготвени сте да донесете одлука. Дали досега сте нашле електричар на кој можете да му верувате? Доколку сè уште не сте го направиле тоа, не одложувајте повеќе - со знаењето што сега го имате, полесно ќе го идентификувате вистинскиот експерт за вашиот дом.