Неделков: Локалните самоуправи со прослави и приредби за првачиња вршат притисок над наставниците

Добивај вести на Viber

Јаким Неделков, претседателот на СОНК, вели дека останува ставот дека на 2 септември, односно на првиот училишен ден просветните работници ќе одржат предупредувачки шптрајк и дека за сега нема менување на ставот.

„Конечниот став ќе се донесе в недела. Тоа не е тактизирање, еден конструктивен синдикат се обидува да изнајде решение со надлежните околу висината на платите до последен момент. Одлуката е веќе донесена на 23 август за предупредувачки штрајк, ние така се подготвуваме. Денеска ја имав последната средба со министерот, но не можам да споделам позитивни разговори. Во овој момент е сигурно дека настава ќе нема во понеделник. Наставниците ќе бидат во просториите на училниците, но нема да работат“, рече Неделков вчера во студиото на Сител.

Првиот човек на просветниот синдикат наведе дека промена на ставот во последен момент може да има само доколку се понуди многу повисоко зголемување на платите на просветните работници од најавените 5 отсто кои стапуваат на сила од 1 септември и дека во моментов општините во моментов им вршат особено поголем притисок на наставниците кои треба да превземат првачиња во новата учебна година.

„Во нашиот синдикат членуваат над 20.000 просветни работници и ќе се испочитува огромното мноизнство. Локалните самоуправи со прославите за првачињата и приредба вршат притисоци над наставниците со барања првооделенците да бидат прифатени, но тоа е кршење на законот. Родителите да бидат подготвени, а ако евентуално имаме понуда која не треба да се одбие со висок процент на зголемување на платите ние ќе соопштиме дека ставот се менува“, додаде Неделков.